Almaty oblysynyń qaı aýdandaryna birinshi jylý beriledi

QONAEV. KAZINFORM – Almaty oblysynda kezeń-kezeńmen jylý berile bastaldy.

Almaty oblysy ákimdiginiń málimetine sáıkes, Kegen aýdanyndaǵy nysandarǵa osy apta jylý berilgen. Al Raıymbek aýdanynda kelesi apta, 29 qyrkúıekten bastap jylytý maýsymy bastalady.

- Oblystyń ózge aýdandarda jylýdy 15 qazanda nemese aýa raıy rejımine sáıkes berý josparlanǵan, - dep habarlady ákimdiktiń baspasóz qyzmeti.

Eske salaıyq, buǵan deıin Almatyda jylý qandaı nysandarǵa birinshi beriletinin jazǵanbyz.

Aldymen balabaqshalarǵa, mektepterge, medıtsınalyq mekemelerge, áleýmettik uıymdarǵa jylý beriledi. Odan keıin turǵyn úıler, jataqhanalar men qonaq úıler qosylady. Úshinshi kezekte ákimshilik ǵımarattar, joǵary oqý oryndary, teatrlar qamtylady.