Almaty oblysynyń Qarasaı aýdanynda tótenshe jaǵdaı jarııalandy
QONAEV. KAZINFORM — Almaty oblysynda karer topyraǵy opyrylyp, turǵyndar úıinen kóshirildi.
Bul jaǵdaıǵa baılanysty Qarasaı aýdanynda jergilikti aýqymdaǵy tótenshe jaǵdaı jarııalandy. Sondaı-aq oqıǵa ornynda qazir Almaty oblysy men Almaty qalasynyń tótenshe jaǵdaılar departamentteriniń birlesken jedel shtaby jumys istep jatyr. Qazirgi ýaqytta jumystarǵa barlyǵy 19 qyzmetker men 14 tehnıka jumyldyryldy.
Eske salaıyq, 2 shilde saǵat tańǵy 6:50 shamasynda Janaturmys aýylyndaǵy «Karer Aksaı» JShS aýmaǵynda Aqsaı ózeni arnasy tabanynyń shaıylýy saldarynan karerdiń soltústik-batys bóliginde topyraq opyryldy. Sonyń saldarynan qazir 9 jeke úıdiń turǵyndaryn ýaqytsha kóshirildi.
Eske salaıyq, keshe Eńbekshiqazaq aýdanynda «Túrgen — Asy» avtojolyn jáne demalys aımaǵyn sý basty.
Sondaı-aq nóser jaýynǵa baılanysty Almaty ózenderinde sý deńgeıi kóterildi.
