Almaty oblysynyń Esik kólinde demalýshylardan 2 ret zańsyz tólem alynǵan

  QONAEV. KAZINFORM — Esik kóline kireberiste azamattardan eki ret tólem alynyp kelgen. 

Bul týraly áleýmettik jelide kólge kelgen demalýshylar shaǵymdandy. Ondaǵy málimetke sáıkes, Іle-Alataýy memlekettik ulttyq parkine kireberiste ekologııalyq beketten resmı tólem alynsa, 10 shaqyrym ótkennen keıin jekemenshik degen jeleýmen taǵy da aqsha alynǵan. Atap aıtqanda: adam basyna 2 myń, jeńil kólikterge 2,5 myń, mıroavtobýstar 5 myń, úlken avtobýstar 20 myń.

Almaty oblysynyń ákimdigi «Habel» JShS-men jasalǵan senimgerlik basqarý shartyna sáıkes týrısterden tólemaqy alý qarastyrylmaǵanyn habarlady.

— Basqarýshynyń mundaı áreketteri onyń ókilettiginen tys ári shart talaptaryn buzady. Kólikterden alynatyn tólemaqy tek Іle-Alataý ulttyq parki aýmaǵynda zańnamaǵa sáıkes belgilengen, — dep habarlady ákimdikten.

Oblys ákimdigi «Habel» JShS-ne zańsyz tólemaqyny toqtatý jáne ornatylǵan shlagbaýmdardy alyp tastaý týraly habarlama joldaǵan. 17 tamyzdan bastap Esik kóline kireberistegi shlagbaýmdar alyndy.

Eske salaıyq, bıyl Almaty oblysyndaǵy Esik qalasynyń shekarasy eki ese ulǵaıdy.