Almaty oblysynyń Eńbekshiqazaq aýdanyna jańa ákim taǵaıyndaldy
QONAEV. KAZINFORM — Almaty oblysy ákiminiń ókimimen Eńbekshiqazaq aýdanyna jańa ákim keldi.
Rýstam Isataev endi Eńbekshiqazaq aýdanyn basqarady.
Rýstam Isataev 1986 jyly týǵan. 2008 jyly «Bolashaq» halyqaralyq baǵdarlamasy boıynsha Ulybrıtanııadaǵy Darem ýnıversıtetin «ekonomıka» mamandyǵy boıynsha támamdap, 2021 jyly Garvard ýnıversıtetinde «memlekettik basqarý» mamandyǵy boıynsha magıstr dárejesin alǵan.
Ekonomıka jáne bıýdjettik josparlaý mınıstrliginiń Makroekonomıkalyq taldaý jáne boljaý departamentiniń bas sarapshysy, Premer-Mınıstrdiń keńesshisi, Prezıdent Ákimshiliginiń Syrtqy saıasat ortalyǵynyń konsýltanty, Prezıdent Ákimshiliginiń Memlekettik baqylaý jáne uıymdastyrý-aýmaqtyq jumysy bóliminiń memlekettik ınspektory, «Ulttyq kompanııa „Kazakh Invest“ AQ basqarma tóraǵasynyń orynbasary, Syrtqy ister mınıstrliginiń Investıtsııalar komıtetiniń tóraǵasy, Syrtqy ister mınıstrliginiń erekshe tapsyrmalar jónindegi elshisi, „Eurasia Group Kazakhstan“ JShS vıtse-prezıdenti, Almaty oblysy ákiminiń keńesshisi, Almaty oblysy ákiminiń orynbasary, Ulttyq Ekonomıka mınıstriniń keńesshisi laýazymdaryn atqarǵan.
2026 jyldyń mamyr aıynan bastap qazirgi ýaqytqa deıin Úkimet Apparatynyń óńirlik damý jáne baqylaý bóliminiń óńirlik ınspektory boldy.
Eske salsaq, Almaty oblysynyń Uıǵyr aýdanyna jańa ákim taǵaıyndalǵan edi.
