Almaty oblysynyń birneshe aýylyna jylý jetispeı otyr
QONAEV. KAZINFORM – Talǵar aýdanyndaǵy birneshe eldi mekende gaz qysymy tómendegen.
Bul jaǵdaıǵa baılanysty aýdan ákimdigi túsinikteme berdi. Ákimdik málimetinshe, aýa temperatýrasynyń kúrt tómendeýine baılanysty gaz tutyný kólemi artyp, sonyń saldarynan Tuzdybastaý, Taldyqulaq, Belbulaq eldi mekenderiniń jekelegen aýmaqtarynda gaz qysymynyń ýaqytsha tómendegen.
- Qazirgi ýaqytta «Táýekel N Alǵabas» JShS tarapynan aýdan aýmaǵyndaǵy barlyq gaz shkaftaryna gaz berý kólemin arttyrý jáne parametrlerdi retteý jumystary júrgizilip jatyr. Jumystar qalypty rejımde atqarylady, - delingen málimdemede.
Sonymen qatar Talǵar aýdanynyń ákimdigi gaz jelilerindegi tapshylyqty sheshý maqsatynda Besaǵash aýylyndaǵy Raqyshev kóshesi boıymen júrgizilgen dıametri 108 mm orta qysymdy gaz qubyryn ýaqytsha qosýǵa ruqsat berý týraly resmı hat joldanǵanyn málimdedi.
- Onymen birge gaz jelilerin dıametri 108 mm qubyrǵa qaıta qosý jumystary júrgizilip jatyr. Qazirgi tańda oqıǵa ornynda 12 apattyq brıgada, 9 úıishilik gaz jabdyqtaryn qyzmet kórsetý brıgadasy jumyldyrylǵan. Jaǵdaı tolyq baqylaýda, - dep habarlady ákimdikten.
Eske salaıyq, buǵan deıin Óskemende jylý tapshylyǵy máselesi qalaı sheshiletinin jazǵanbyz.
