Almaty oblysynyń bir aýdanynda tótenshe jaǵdaı rejımi jarııalanýy múmkin

QONAEV. KAZINFORM – Almaty oblysynyń Іle aýdanynda jergilikti aýqymdaǵy tehnogendik sıpatttaǵy tótenshe jaǵdaı jarııalaý josparlanyp otyr. Bul týraly «Ashyq» NQA portalynda jarııalanǵan aýdan ákimdigi qaýlysynyń jobasynda jazylǵan.

«Іle aýdany, Ótegen batyr aýyldyq okrýgi, Ótegen batyr aýyly, Z.Battalhanov kóshesinde ornalasqan bir ǵımarattyń astynan jerasty sýy kóterildi. Saldarynan káriz jáne sý qubyrlary buzyldy. Osyǵan baılanysty jergilikti aýqymdaǵy tehnogendik sıpattaǵy tótenshe jaǵdaı jarııalansyn»,- delingen qujatta.

Osyǵan deıin Almaty oblysynyń Talǵar aýdanynda tabıǵı sıpattaǵy tótenshe jaǵdaı rejımi engizilgen bolatyn.

Ol kezde qaýipsizdik maqsatynda Іle-Alataý ulttyq tabıǵı parkiniń aýmaǵyna barýǵa shekteý qoıyldy.

Osyǵan deıin Almaty oblysyndaǵy Báıterek aýyly qalaǵa qosylýy múmkin ekeni týraly jazdyq.