Almaty oblysynyń bilim basqarmasyna jańa basshy taǵaıyndaldy

QONAEV. KAZINFORM — Almaty oblysy ákiminiń ókimimen Qaırat Jumanov oblystyq bilim basqarmasynyń basshysy laýazymyna taǵaıyndaldy. 

Qaırat Jumanov 1989 jyly týylǵan. Bilimi joǵary, 2010 jyly Abaı atyndaǵy Qazaq ulttyq pedagogıkalyq ýnıversıtetin «psıhologııa» mamandyǵy, 2012 jyly T.Rysqulov atyndaǵy Qazaq Ekonomıkalyq ýnıversıtetin «ekonomıka» mamandyǵy, 2018 jyly Turan ýnıversıtetin «quqyqtaný» mamandyǵy jáne 2021 jyly Ál-farabı atyndaǵy Qazaq ulttyq ýnıversıtetin «Іskerlik ákimshilendirý» mamandyǵy boıynsha bitirgen.

Eńbek jolyn 2009 jyly Almaty qalasyndaǵy № 105 gımnazııanyń pedagog-psıhology bolyp bastaǵan. Ár jyldary Almaty qalasy bilim basqarmasynyń Bostandyq aýdandyq bilim bóliminde bas maman, bólim basshysy, Almaty qalasy Almaly aýdany ákiminiń apparaty mádenıet jáne tilderdi damytý bóliminiń basshysy, Almaty qalasy bilim basqarmasy basshysynyń orynbasary, Jetisý oblysynyń bilim salasynda sapany qamtamasyz etý departamentiniń basshysy laýazymdaryn atqarǵan.

2025 jyldyń sáýir aıynan bastap Almaly aýdany ákimi apparatynyń basshysy laýazymynda qyzmet etti.

Eske salaıyq, buǵan deıin Almaty oblysynyń memlekettik satyp alý basqarmasyna jańa basshysy taǵaıyndaldy.