Almaty oblysynyń aýdandarynda arnaıy salyq rejıminiń mólsherlemesi ózgerdi

QONAEV. KAZINFORM — Almaty oblysynyń aýdandyq máslıhattarynda arnaıy salyq rejıminiń mólsherlemesin belgileý máselesi qaraldy.

2026 jyly kúshine enetin jańa Salyq kodeksine sáıkes, bazalyq mólsherleme 4 paıyz bolyp belgilengen. Alaıda óńirlerge ony 2-6 paıyz aralyǵynda retteý quqyǵy berilgen.

Almaty oblysy ákimdiginiń málimetinshe, Jambyl, Іle, Qarasaı aýdandarynda jáne Qonaev qalasynda jergilikti máslıhat sheshimimen stavka 4%-dan 2%-ǵa deıin tómendedi. Al Eńbekshiqazaq, Talǵar jáne Uıǵyr aýdandarynda mólsherleme 4%-dan 3%-ǵa azaıtyldy.

Jańa mólsherlemeler 2026 jylǵy 1 qańtardan bastap kúshine enedi.

Eske salaıyq, buǵan deıin Almatyda kásipkerlerge arnaıy salyq rejıminiń jańa stavkasy 3% deńgeıinde bekitildi. Qalalyq máslıhat sessııasynda Almatynyń kásipkerlik jáne ınvestıtsııalar basqarma basshysy Berikbol Mándibaev elimizdiń 19 óńirinde stavka 2–3% deńgeıinde bekitilgenin, olardyń qatarynda Astana jáne Shymkent qalalary bar ekenin atap ótti.