Qazaqstanda Alataý degen jańa qala paıda boldy

Aqordanyń baspasóz qyzmeti Almaty oblysynyń ákimshilik-aýmaqtyq qurylysyndaǵy ózgerister týraly málimeti jarııalady, dep habarlaıdy Kazinform.

«Qazaqstan Respýblıkasynyń ákimshilik-aýmaqtyq qurylysy týraly» Qazaqstan Respýblıkasy Zańynyń 9-babyna sáıkes QAÝLY ETEMІN:

1.Almaty oblysynyń Іle aýdany odan Jetigen aýylyn bólý jolymen qaıta uıymdastyrylsyn.

2.Almaty oblysy Іle aýdanynyń Jetigen aýyly oblystyq mańyzy bar qala sanatyna jatqyzylsyn jáne onyń ataýy Alataý qalasy bolyp ózgertilsin.

3.Qazaqstan Respýblıkasynyń Úkimeti osy Jarlyqtyń 1 jáne 2-tarmaqtaryn iske asyrý jóninde qajetti sharalar qabyldasyn.

Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti                Q. Toqaev

Astana, Aqorda, 2024 jylǵy 9 qańtar

№ 432

Osyǵan deıin Almatydan soltústikke qaraı 47 shaqyrym jerde ornalasqan Jetigen aýyly jýyrda oblystyq mańyzy bar qalaǵa aınalatynyn jazdyq.