Almaty oblysynyń ákimdigi Talǵarda úıi órtengen otbasyǵa kómektesedi
QONAEV. KAZINFORM - Almaty oblysynyń ákimdigi búgin túnde úıi órtengen marqum Sherzat Bolattyń otbasyna kómek beriletinin habarlady.
Ákimdik málimetine sáıkes, olarǵa jóndeý jumystary aıaqtalǵansha ýaqytsha baspana jáne órtengen úıdi jóndeýge kómek beriledi.
- Almaty oblysynyń ákimdigi baspanasyn órt shalǵan Sh.Bolattyń otbasyna turǵyn úıdi qalpyna keltirýge kómektesetin boldy. Sonymen qatar, olarǵa jóndeý jumystary aıaqtalǵansha ýaqytsha baspana beriledi, - dep habarlady ákimdikten.
Eske salaıyq, 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz.
Búgin túngi ýaqytta janjaldan qaıtys bolǵan 16 jasar Sherzattyń úıi órtenip, polıtsııa onyń otbasyn qorǵaýǵa aldy.
QR Bas prokýratýrasy bul jaǵdaıǵa baılanysty málimdeme jasady.
