Almaty oblysyndaǵy temirjol beketinde uıymdasa urlyq jasaǵan top jazalandy

QONAEV. KAZINFORM — Almaty oblysy aýmaǵynda jasalǵan iri kólemdegi metall urlyǵy ashyldy.

Kóliktegi polıtsııa departamentiniń málimetinshe, oqıǵa 2024 jyly 23 qyrkúıekte Іle aýdanynyń Jetigen stantsııasynda bolǵan. «Maıqudyq — Jetigen» baǵyty boıynsha kele jatqan júk konteınerinen belgisiz adamdar jalpy quny 2 mln teńgeden asatyn 23 dana mys tabaqty urlap ketken.

Jedel-izdestirý is-sharalary barysynda Qonaev stantsııasyndaǵy kóliktegi polıtsııa bóliminiń qyzmetkerleri qylmystyq toptyń bes múshesin ustaǵan.

— «SOBR» arnaıy jasaǵynyń qatysýymen júrgizilgen arnaıy operatsııa kezinde Almaty qalasynda kúdiktilerdiń úsheýi bir mezette ustaldy. Keıinirek tergeýden jasyrynbaq bolǵan taǵy eki sybaılasy anyqtalyp, qolǵa tústi. Bógde múlikti aldyn ala sóz baılasý arqyly top bolyp, iri kólemde urlaý faktisi boıynsha sotqa deıingi tergeý júrgizildi. Sot barlyq aıyptalýshyny kináli dep tanyp, olarǵa bas bostandyǵynan aıyrý jáne shekteý jazalaryn taǵaıyndady, — dep habarlady departamentten.

Eske salaıyq, temirjol vokzaldaryn jóndeý jumystary kesheýildegen óńirler belgili boldy.