Almaty oblysyndaǵy taýlarda kóshkin júrýi múmkin
QONAEV. KAZINFORM – Qutqarýshylar oblys turǵyndaryn qar kóshkini qaýpi týraly eskertý jarııalady.
– Almaty oblysynyń taýlarynda 17-23 aqpan aralyǵynda aralyǵynda kóshkin qaýpi saqtalady. TJD azamattardan, týrısterden jáne demalýshylardan qar kóshkini bolýy múmkin qarly betkeılerge shyqpaýdy, sondaı-aq taýly jerlerde barlyq qaýipsizdik talaptaryn saqtaýdy suraıdy, – delingen habarlamada.
Vedomstvonyń málimetinshe, oblys boıynsha kóshkin qaýpi bar 55 ýchaske bar. Olar Eńbekshiqazaq, Talǵar jáne Qarasaı aýdandarynda – Іle-Alataý taýlarynyń ońtústik betkeıinde ornalasqan.
Eske salaıyq, buǵan deıin Almaty oblysynda qar kóshkini qaýpine baılanysty birneshe avtojol kóktemge deıin jabylǵanyn jazǵanbyz.
Osyǵan deıin, Almaty oblysynda belgisiz adam sý jiberetin shlıýzdy ashyp jibergeni týraly jazǵan edik.
Aıta keteıik, óńirdiń bes aýdany sý basý qaýpi joǵary aımaqqa jatady.