Almaty oblysyndaǵy shatqalda aýyryp qalǵan týrıstke qutqarýshylar kómektesti

QONAEV. KAZINFORM — TJM baspasóz qyzmeti Almaty oblysyndaǵy shatqalda aýyryp qalǵan týrıstke qutqarýshylar kómekteskenin málimdedi.

«Talǵar aýdanyndaǵy „Sol Talǵar“ shatqalynda týrıstik marshrýtpen júrip kele jatqan 6 Reseı Federatsııasynyń azamattarynan turatyn toptyń basshysy — 1968 jyly týǵan áıel ózin jaman sezinip ári qaraı jol júre almaǵan.

TJM Respýblıkalyq jedel-qutqarý jasaǵynyń jedel toby shaqyrý ornyna kelip, «Qazavıaqutqarý» tikushaǵynyń kómegimen zardap shegýshini 1 súıemeldeýshimen taýdan túsirip, ony Apattar medıtsınasy ortalyǵynyń qyzmetkerlerine tapsyrdy», — dep jazdy vedomstvodan.

Derekke qaraǵanda, qalǵan qonaqtar marshrýttaryn jalǵastyrdy.