Almaty oblysyndaǵy polıtsııanyń ýchaskelik pýnktinde jaryqshaqtar paıda bolǵan
QONAEV. KAZINFORM – Áleýmettik jelide Talǵar aýdany, Qyzylqaırat aýylyndaǵy polıtsııanyń ýchaskelik pýnktiniń qabyrǵalarynda paıda bolǵan jaryqshaqtardyń vıdeosy shyqty.
Vıdeo avtorynyń jazýynsha, Almaty oblysynda 98 mln teńgege osyndaı tirek pýnkti salynǵan.
«Mundaǵy jaryqshaqtardan ar jaqtaǵy kóshe kórinedi. Mynadaı ǵımaratta jaryqshaqtardyń bolýy qaýipti. Bul Talǵar aýdany, Qyzylqaırat aýyly. Masqara», - dep jazdy vıdeo avtory.
Almaty oblysy polıtsııa departamenti 2 naýryz kúni áleýmettik jelide Qyzylqaırat aýylynda qabyrǵasynda jaryqshaqtary bar qyzmettik turǵyn úımen biriktirilgen ýchaskelik polıtsııa pýnktiniń vıdeosy shyqqanyn habarlady.
«Atalǵan fakti boıynsha Talǵar aýdanynyń qurylys, sáýlet jáne qala qurylysy bólimine habarlama jiberildi. Ol boıynsha qurylys salýshy nysandy qalpyna keltirý jáne jóndeý jumystaryn bastaıdy», - dep habarlady Almaty oblysy polıtsııa departamentiniń baspasóz qyzmeti.
