Almaty oblysyndaǵy órt oqshaýlandy
ASTANA. KAZINFORM - Keshe Qarasaı aýdanynyń Shamalǵan aýyldyq okrýginde taýly jerlerde memlekettik jer qory aýmaǵynda qurǵaq shóp órtendi, dep habarlaıdy QR Tótenshe jaǵdaılar mınıstrliginiń basspasóz qyzmeti.
Tilsiz jaýmen kúreske 147 adam men 21 tehnıka tartyldy, sondaı-aq TJM «Qazavıaqutqarý» AQ tikushaǵy 17 ret sý tógip (51 tonna), 30 gektar alańdaǵy ottyń taralýyn toqtatty.
Órtti sóndirý jerdiń tik relefi, bıik ósimdikter, jeldiń ekpindi boýlýy jáne kirme joldardyń joqtyǵynan qıyndady.
Qutqarýshylar adamdarǵa qaýip tóndirmeý jáne jabaıy tabıǵatty aman qaldyrý úshin kúndiz-túni jumys istep, TJD bastyǵy jeke ózi oqıǵa ornynda bolyp, olardyń is-qımyldaryn úılestirdi.
- Jaǵdaı baqylaýda, eldi mekenderge qaýip joq, - delingen habarlamada.
Osyǵan deıin Almaty oblysynda órtten úsh adam qaza bolǵany týraly jazdyq.