Almaty oblysyndaǵy mektepte 15 jastaǵy oqýshy mert boldy

QONAEV. KAZINFORM — Almaty oblysynyń Qaskelen qalasynda oqýshy qaıtys boldy.

Áleýmettik jelide Qaskeleń qalasynyń Q.Sátbaev atyndaǵy orta mektepke jedel járdem kelip, oqys oqıǵa bolǵany týraly aqparat tarady. Jazbaǵa pikir bildirgen adamdar oqýshy qaıtys bolǵanyn jazǵan.

Qarasaı aýdanynyń bilim bólimi bul aqparatty rastady. Aldyn ala málimet boıynsha tańerteń birinshi sabaqtan keıingi úzilis kezinde 15 jastaǵy 9 synyp oqýshysynyń jaǵdaıy kúrt nasharlaǵan. Sondyqtan mektep ákimshiligi jedel járdem brıgadasyn shaqyrǵan.

— Jedel járdem brıgadasy kórsetken reanımatsııalyq jáne medıtsınalyq kómekterge qaramastan, balany aman alyp qalý múmkin bolmady. Bul — otbasy, jaqyndary jáne búkil mektep ujymy úshin orny tolmas aýyr qaıǵy. Qazirgi ýaqytta atalǵan derek boıynsha ýákiletti organdar tekserý jáne tergeý sharalaryn júrgizip jatyr. Máıit sot-medıtsınalyq saraptamaǵa jiberildi, onyń qorytyndysy boıynsha qosymsha aqparat usynylatyn bolady, — delingen málimdemede.

Eske salaıyq, buǵan deıin Petropavlda úıden shyǵyp ketken zeınetker áıel aıazda úsik shalyp, mert boldy.