Almaty oblysyndaǵy Іle ormanshylyǵynda shyqqan órt tolyq sóndirildi
ASTANA. KAZINFORM — Almaty oblysyndaǵy Іle ormanshylyǵynda 5 qyrkúıekte tirkelgen orman órti 7 qyrkúıek saǵat 17:48–de tolyq sóndirildi.
Órtti sóndirý jumystaryna orman sharýashylyǵy mekemesi men Almaty oblysy tótenshe jaǵdaılar departamentinen 59 adam jáne 17 tehnıka jumyldyryldy.
Sonymen qatar «Qazavıaormanqorǵaý» RMQK qyzmetkerleri men sý tógý qurylǵysymen jabdyqtalǵan bir tikushaq tartyldy.
Der kezinde qabyldanǵan sheshimder men qutqarýshylardyń úılesimdi jumysynyń arqasynda órttiń odan ári taralýyna jol berilmeı, tolyǵymen sóndirildi.
Eske salaıyq, buǵan deıin ShQO-da 20 gektarǵa jaıylǵan orman órti oqshaýlanǵanyn habarlaǵanbyz.
