Almaty oblysyndaǵy kolonııada 14 balanyń aýyryp jatqany ras pa
QONAEV.KAZINFORM - Almaty oblysynyń Densaýlyq saqtaý basqarmasy Jaýǵashty aýylyndaǵy áıelder kolonııasynda balalardyń jappaı aýyryp qalǵany týraly aqparatqa túsinikteme berdi.
Advokat Aıman Omarova óziniń áleýmettik jelidegi paraqshasynda №10 áıelderdi túzeý mekemesinde 14 bala aýyryp qalǵanyn, olardyń úsheýi aýyr jaǵdaıda reanımatsııada ekenin jazdy.
- Olar ýlanǵan nemese ınfektsııa - muny anyqtaý kerek, - dedi ol.
Mekemeni medıtsınalyq qyzmetpen qamtamasyz etetin Almaty oblysy Densaýlyq saqtaý basqarmasynyń málimetinshe, 26 naýryzda basqarmasy basshysynyń orynbasary jáne mamandandyrylǵan prokýror, sondaı-aq oblystyń Qylmystyq-atqarý júıesi departamentiniń ókilderi birlese mekemeni aralap shyqqan. Tekserýge sanıtarlyq-epıdemıologııalyq baqylaý qyzmetiniń mamandary men qyzmetkerleri de qatysqan. Nátıjesinde 14 balanyń aýyrǵany týraly aqparat rastalmady.
- Qazirgi ýaqytta munda balalarymen birge sottalǵan 63 áıel bar. 2025 jyldyń 22-23 naýryzy aralyǵynda úsh bala Іle aýdany ortalyq aýrýhanasynyń ınfektsııalyq bólimshesine "enterovırýstyq ınfektsııa, 0-1 dárejeli degıdratatsııa" dıagnozymen jatqyzyldy. Olardyń jaǵdaıy ortasha aýyrlyqta, oń dınamıka baıqalady. Bir bala bastapqyda reanımatsııa bóliminde boldy, sodan keıin ınfektsııa bólimine aýystyryldy. Qazirgi ýaqytta eki bala juqpaly aýrýlar bóliminde analarymen birge. Al bireýi medbıkemen birge, óıtkeni onyń anasy em alyp jatyr, - dep habarlady basqarmadan.
Eske salaıyq, buǵan deıin Qazaqstan túrmelerindegi 1 myńnan astam áıel raqymshylyqqa ilinýi múmkin ekenin jazǵanbyz.