Almaty oblysyndaǵy qoqys polıgonynda órt shyqty
ASTANA. KAZINFORM – Almaty oblysynyń Jambyl aýdanynda qatty turmystyq qaldyqtar polıgonynda shyqqan órt 300 sharshy metr aýmaqta oqshaýlandy, dep habarlaıdy Tótenshe jaǵdaılar mınıstrligi.
Órt Uzynaǵash aýylynan shyǵaberistegi qatty turmystyq qaldyqtar polıgonynda bolǵan.
Polıgonnyń jekelegen ýchaskelerinde qaldyqtardyń jınaqtalý tereńdigi 3–5 metrge deıin jetedi. Bul jaǵdaı órtti tolyq sóndirý jumystaryn qıyndatyp otyr.
– Órttiń taralýyna jol bermeý úshin býldozerlerdiń kómegimen janbaǵan qaldyqtar janyp jatqan ýchaskelerden oqshaýlanyp jatyr. Sonymen qatar órt oshaqtaryna sý quıý jumystary júrgizilýde, – delingen habarlamada.
Sý órt ornyna arnaıy tehnıkamen jetkizilip jatyr. Tıegishter men samosvaldardyń kómegimen qaldyqtardy kóshirý jáne olardy ınertti materıaldarmen jabý jumystary da júrgizilýde.
Órtti sóndirýge Almaty oblysynyń TJD, jergilikti atqarýshy organdar jáne QR TJM №28237 áskerı bóliminen 10 adam men 7 tehnıka jumyldyryldy.
Qazirgi ýaqytta órt 300 sharshy metr aýmaqta oqshaýlandy. Tolyq sóndirý jumystary jalǵasyp jatyr.
Aıta keteıik, Aqtóbedegi órt kezinde 21 saıajaı úıi órtendi.
