Almaty oblysyndaǵy qoqys polıgonynan órt shyqty

QONAEV.KAZINFORM - Almaty oblysynyń ortalyǵy Qonaev qalasynda qatty turmystyq qaldyqtar polıgonynyń aýmaǵynda qoqys tutanyp, órt shyqty.

Almaty oblysynyń Tátenshe jaǵdaılar departamentiniń málimetine sáıkes, jalyn sharpyǵan aýmaq 1000 sharshy metrge deıin jetedi.

- Órt sóndirýshiler bir táýlikten astam tereńdigi 4 metrge deıingi 1000 sharshy metr aýmaqtaǵy qoqystyń janýymen kúresip jatyr. Jerdi qalpyna keltirý, topyraqpen toltyrý jáne sóndirý boıynsha jumystar júrgizilýde. Zardap shekkender joq. Órttiń shyǵý sebebi anyqtalyp jatyr, - dep habarlaıdy Almaty oblysynyń TJD.

Aıta keteıik, buǵan deıin Almatyda tańǵy ýaqytta qonaq úı órtengenin jazǵan edik.