Almaty oblysyndaǵy Qapshaǵaı sý qoımasy 98%-ǵa toldy
ASTANA. KAZINFORM — Almaty oblysyndaǵy Qapshaǵaı sý qoımasy 98%-ǵa toldy. Qazirgi tańda sý qoımasynda 18,04 mlrd tekshe metr sý jınalǵan, dep habarlaıdy Sý resýrstary jáne ırrıgatsııa mınıstrliginiń baspasóz qyzmeti.
Sý qoımasynyń tolýy Aqdala jáne Sheńgeldi aýyldyq okrýgterindegi egis alqaptaryn sýarmaly sýmen tolyq qamtamasyz etýge múmkindik beredi.
Qapshaǵaı sý qoımasy Balqash kóline quıatyn transshekaralyq Іle ózeniniń aǵynyn retteıdi. Vegetatsııaaralyq kezeńde sý qoımasynan Balqashqa shamamen 4 mlrd tekshe metr sý jiberilgen.
— Biz transshekaralyq ózender, sonyń ishinde Іle ózeni máselesi boıynsha qytaılyq áriptestermen turaqty baılanys ornatqanbyz. Eki eldiń úılesimdi is-qımylynyń arqasynda Almaty oblysynyń sharýalary qatarynan úshinshi jyl sýarmaly sýmen turaqty qamtamasyz etilip otyr, — dedi SRIM Sý resýrstaryn retteý, qorǵaý jáne paıdalaný komıtetiniń tóraǵasy Seıilbek Nurymbetov.
Buǵan deıin Qapshaǵaıdaǵy reıdten keıin 3 keme aıyp turaǵyna qoıylǵany belgili boldy.
