Almaty oblysyndaǵy qamys órti tolyqtaı sóndirildi
QONAEV. KAZINFORM – Órt aýmaǵy shamamen 7 gektardy qurady.
Tótenshe jaǵdaılar mınıstrligi qyzmetkerleriniń jedel jáne kelisilgen is-áreketiniń arqasynda órttiń turǵyn úı sektoryna taralýynyń aldyn alýǵa múmkindik týdy. Qabyldanǵan sharalar nátıjesinde 50 jeke turǵyn úı qutqaryldy. Qurbandar men zardap shekkender joq.
Tótenshe jaǵdaılar mınıstrliginiń «Qazavıapas» tikushaǵy barlyǵy 36 tonnaǵa jýyq 12 nysanaly sý tamshysyn shashty. Bul qyzyl jalyndy tez lokalızatsııalaýǵa jáne ottyń qarqyndylyǵyn aıtarlyqtaı tómendetýge múmkindik berdi.
Órtti sóndirýge jeke quramnyń 40-qa jýyq qyzmetkeri, 9 tehnıka, Tótenshe jaǵdaılar mınıstrliginiń «Qazavıaspa» tikushaǵy qatysty.
Eske sala keteıik, buǵan deıin Almaty oblysyndaǵy qamys órtin sóndirýge tikushaq jumyldyrylǵanyn jazǵan edik.