Almaty oblysynda gaz jarylyp, taǵy bir adam qaıtys boldy

Almaty oblysy Gúldala aýylyndaǵy jeke úılerdiń birinde bolǵan gaz jarylysynan zardap shekken taǵy bir adam qaza tapty, dep habarlaıdy Kazinform. 

«Aýyr jaraqat saldarynan keshe 1991 jyly týǵan naýqas aýrýhanada qaıtys bolǵan edi, al 2003 jyly týǵan qyz búgin túnde esin jımastan jan tapsyrdy, denesin 3-4 dárejeli kúıik shalǵan», - dep habarlady aýrýhananyń baspasóz qyzmeti.

Eske salaıyq, 17 jeltoqsan kúni saǵat 06:15-te Gúldala aýyly Baıtursynov kóshesi, 67 jáne saǵat 08:20-da Súıinbaı kóshesi, 34 mekenjaıyndaǵy jeke turǵyn úılerde gaz-aýa qospasynyń órshýinen gaz jarylǵan edi. Jarylys saldarynan 4 adam zardap shegip, aýrýhanaǵa jatqyzylǵan bolatyn.

Zardap shekken eki adam Almaty kópsalaly klınıkalyq aýrýhanasyna óte aýyr jaǵdaıda jetkizildi. Olardyń biri keshe qaıtys boldy. 

Jarylystyń aldyn ala sebebi tabıǵı gaz qubyryndaǵy qysymnyń joǵarylaýynan degen boljam bar.