Almaty oblysyndaǵy qyzmet kórsetýshi kompanııanyń kesirinen birneshe aýylda jaryq sóndirildi

QONAEV. KAZINFORM - Almaty oblysy Qarasaı aýdanyndaǵy birneshe aýyl jáne megapolıs mańyndaǵy turǵyn úı kesheni jaryqsyz qaldy. Oblys ákimdiginiń málimetinshe, elektr qýatynyń óshirilýine qyzmet kórsetýshi kompanııanyń bereshegi sebep bolǵan.

Jaryqtan ajyratylǵan aýyldar qatarynda - Іrgeli jáne Áıteı aýyldyq okrýgteri bar. Sondaı-aq Qaskeleń qalasyndaǵy birqatar turǵyn úı keshenderi - «Ómirzaq», «Qarlyǵash», «Altyn aýyl» jáne Almaty mańyndaǵy «Asyl Arman» turǵyn úı keshenderi elektr qýatynsyz qalǵan.

- Elektr qýatynyń óshirilýine «AlmatyEnergoSbyt» JShS aldynda qyzmet kórsetýshi «BeyAzhTrans» JShS (278 164 019 teńge) jáne «Taýsamaly qyzmet» MKK (14 000 000 teńge) uıymdarynyń úlken kólemde qaryz bolýy sebep bolǵan. Bul turǵyndardyń jaryqsyz jáne sýsyz qalýyna ákep soqtyrdy. Qazirgi ýaqytta jergilikti atqarýshy organdar «BeyAzhTrans» JShS basshylyǵymen birlesip, boryshty retteý jáne elektrmen jabdyqtaýdy qalpyna keltirý boıynsha belsendi jumys júrgizip jatyr, - dep habarlady ákimdikten.

Eske salaıyq, jaz kezinde ystyq sýdan ajyratylǵan «Asyl Arman» turǵyndary joldy jappaq bolǵanyn jazǵanbyz.