Almaty oblysyndaǵy Báıterek aýyly qalaǵa qosylýy múmkin

QONAEV. KAZINFORM – Almaty oblysy Eńbekshiqazaq aýdany Esik qalasynyń shekarasy ózgerýi múmkin. Bul týraly «Ashyq» NQA portalynda jarııalanǵan aýdan ákimdigi qaýlysynyń jobasynda jazylǵan.

Qujatqa sáıkes, Almaty oblysy Eńbekshiqazaq aýdany Esik qalasynyń jalpy aýmaǵy (shegi) qazirgi ýaqytta 2529,64 gektar. Onyń kólemin 4228,54 gektarǵa keńeıtý josparda. Bul qalaǵa Báıterek aýylyn qosý arqyly júzege aspaq.

Usynys Almaty oblysynyń ákimdigi men oblystyq máslıhatqa joldandy.

Qujat 9 qyrkúıekke deıin kópshilik talqylaýda bolady. 

Osy jyldyń basynda Almatydan soltústikke qaraı 47 shaqyrym jerde ornalasqan Jetigen aýyly oblystyq mańyzy bar Alataý qalasyna aınalǵan bolatyn. 

Sondaı – aq jańadan qurylǵan Alataý qalasynyń damý baǵyty týraly jazǵan edik.