Almaty oblysyndaǵy balalardy qoldaý ortalyǵy nandy 354 teńgeden satyp alyp otyrǵan - QMA

ASTANA. KAZINFORM - Almaty oblysynyń Qıyn ómir jaǵdaıyndaǵy balalardy qoldaý ortalyǵynda áleýmettik mańyzy bar taýarlardy (ÁMAT) joǵary baǵamen satyp alý faktileri anyqtaldy, dep habarlaıdy QR Qarjylyq monıtorıng agenttiginiń baspasóz qyzmeti.

Baspasóz qyzmetiniń málimetterine qaraǵanda, qazirgi tańda ortalyqta 120-dan astam kámeletke tolmaǵan bala tárbıelenýde.

Agenttik anyqtaǵandaı jetkizýshi nandy 140 teńgeden satyp alyp, ony balalar úıine 354 teńgeden (153% ústemaqymen) jetkizgen.

Sondaı–aq, ol qaraqumyq jarmasyn – 145% (281 tg/kg alyp, 687 tg/kg satqan), kúnbaǵys maıyn - 63% (600 tg/l alyp, 977 tg/l satqan), qantty – 38% (350 tg/kg alyp, 480 tg/kg satqan) ústemeaqymen jetkizgen.

Qoldanystaǵy zańnamaǵa sáıkes ÁMAT-qa shekti saýda ústemesiniń mólsheri 15%-dan aspaýy tıis.

Qabyldanǵan sharalardyń nátıjesinde jetkizýshi ákimshilik jaýapkershilikke tartyldy, al Ortalyqpen jasalǵan ÁMAT-ty jetkizý sharty 1,3 mln teńgege tómendetý jolymen qaıta qaraldy.

Sondaı-aq, Agenttik qabyldaǵan sharalar nátıjesinde óńirdiń birqatar balabaqshasy jetkizýshilermen satyp alý baǵasyn 3,9 mln teńgege tómendete otyryp, qosymsha kelisimder jasasty.