Almaty oblysyndaǵy aýyldarda nelikten kóshe jaryǵy jıi óshedi

QONAEV. KAZINFORM – Almaty oblysy Qarǵaly aýylynyń turǵyndary túngi ýaqytta kóshe jaryǵynyń jıi óshetinine shaǵym bildirdi.

Jergilikti turǵyndardyń aıtýynsha, 3 aıdan beri aýyldaǵy shamdar túngi ýaqytta janbaıdy. Bul qylmys deńgeıiniń ósýine yqpal etedi.


Aıtylǵan máselege baılanysty agenttik Almaty oblysynyń energetıka jáne sýmen jabdyqtaý basqarmasyna júgindi. Saýalǵa jaýap bergen vedomstvo basshysy Nurlan Ómirhanov 2025 jyldan bastap Jambyl aýdanynyń eldi mekenderinde, onyń ishinde Qarǵalyda kóshe jaryǵyn ýaqytsha óshirý rejımi engizilgenin aıtty.

23:00-den 05:00-ge deıin jaryq bolmaıdy. Qalǵan ýaqytta — 05:00-den 07:00-ge deıin jáne 17:00-den 23:00-ge deıin — jaryqtandyrý qalypty rejımde jumys isteıdi.


— Bul shara 2025 jyldyń 8 tamyzyndaǵy aýdan ákiminiń tapsyrmasyn oryndaý maqsatynda júzege asyrylyp otyr jáne bıýdjet qarajatyn tıimdi paıdalaný, elektr energııasyna ketetin shyǵyndardy ońtaılandyrý, sondaı-aq tarıfterdiń ósýi jaǵdaıynda jergilikti bıýdjetke túsetin júktemeni azaıtýǵa baǵyttalǵan, - dep túsindirdi ol.


Ol shekteýlerdiń ýaqytsha ekenin atap ótti. Tarıf júktemesi turaqtansa, energııa resýrstarynyń quny tómendese nemese qosymsha bıýdjet qarajaty bólinse kóshe jaryǵynyń jumys rejımi qaıta qaralýy múmkin.

Eske salaıyq, buǵan deıin Almatynyń Alataý aýdanynda jaryqtyń óshýine sebep bolǵan kompanııaǵa aıyppul salyndy.