Almaty oblysyndaǵy aýylda turǵyn úı órtke orandy

QONAEV. KAZINFORM - 12 qazan kúni saǵat 00-50-de Almaty oblysy Eńbekshiqazaq aýdany Azat aýylynda turǵyn úı órtenip ketti.

Shaqyrý ornyna Almaty oblysy TJD 10 qyzmetkeri men 3 birlik tehnıkasy dereý jiberildi.

«Birinshi órt sóndirý bólimshesi kelgen sátte — saǵat 01-08-de turǵyn úıdiń shatyrynyń janýy oryn alǵany anyqtaldy. Úı tolyǵymen otqa oranǵan.

Qabyldanǵan jedel sharalardyń nátıdesinde órt saǵat 01-38 oqshaýlanyp, 01-43-te 56 sharshy metr alańda tolyǵymen joıyldy. Zardap shekkender joq. Órttiń sebebi naqtylanýda», — dep jazdy TJM baspasóz qyzmetinen.

Órttiń sebebin anyqtaý úshin Almaty oblysy TJD zertteý synaq órt zerthanasy men anyqtaý bóliminiń qyzmetkerleri oqıǵa ornynda.