Almaty oblysyndaǵy atom elektr stantsııasynyń úzdik ataýyna konkýrs qashan ótedi
ALMATY. KAZINFORM – Qazaqstan Respýblıkasy Atom energııasy jónindegi agenttiginiń TóraǵasyA. Sátqalıev Almaty oblysynyń Jambyl aýdanyndaǵy atom elektr stantsııasynyń úzdik ataýyna jalpyhalyqtyq konkýrsty ótkizý jónindegi komıssııa qurý týraly buıryqqa qol qoıdy, dep habarlaıdy QR Atom energııasy jónindegi agenttiktiń baspasóz qyzmeti.
Qazaqstan Respýblıkasy Prezıdentiniń 2025 jylǵy 28 sáýirdegi № 861 Jarlyǵymen bekitilgen Qazaqstan Respýblıkasynyń Atom energııasy jónindegi agenttigi (budan ári – Agenttik) týraly erejeniń 14-tarmaǵyna sáıkes jáne Qazaqstan Respýblıkasy Prezıdentiniń 2025 jylǵy 11 tamyzdaǵy Almaty oblysynyń Jambyl aýdanyndaǵy atom elektr stantsııasynyń úzdik ataýyna jalpyhalyqtyq konkýrsty ótkizý týraly usynysyn iske asyrý maqsatynda BUIYRAMYN:
Osy buıryqqa 1-qosymshaǵa sáıkes quramda Almaty oblysynyń Jambyl aýdanyndaǵy atom elektr stantsııasynyń úzdik ataýyna jalpyhalyqtyq konkýrs ótkizý jónindegi komıssııa (budan ári – Konkýrstyq komıssııa) qurylsyn.
Osy buıryqqa 2-qosymshaǵa sáıkes Konkýrstyq komıssııa týraly ereje bekitilsin.
Konkýrstyq komıssııa:
1) 2025 jylǵy 19 qyrkúıekke deıingi merzimde Almaty oblysy Jambyl aýdanyndaǵy atom elektr stantsııasynyń úzdik ataýyna jalpyhalyqtyq konkýrs (budan ári – Konkýrs) ótkizý qaǵıdalaryn bekitsin;
2) 2025 jylǵy 17 qazanǵa deıingi merzimde Konkýrs ótkizilsin jáne Almaty oblysy Jambyl aýdanyndaǵy atom elektr stantsııasynyń úzdik ataýy aıqyndalsyn.
4. Agenttiktiń Jurtshylyqpen baılanys basqarmasy:
1) Konkýrstyq komıssııanyń quramyn osy buıryqpen oǵan qol qoıylǵan kúnnen bastap 3 (úsh) jumys kúninen keshiktirmeı tanystyrsyn;
2) Qazaqstan Respýblıkasy halqynyń arasynda buqaralyq aqparat quraldary jáne Agenttiktiń resmı kommýnıkatsııalyq arnalarynda tıisti aqparattyq-túsindirý jumystaryn júrgizýdi qamtamasyz etsin.
5. Osy buıryqtyń oryndalýyn baqylaýdy ózime qaldyramyn.
6. Osy buıryq oǵan qol qoıylǵan kúninen bastap kúshine enedi.
Osyǵan deıinalǵashqy AES-ke ataý beriletini týraly jazǵan edik.