Almaty oblysynda zorlyqqa tap bolǵan egiz qyzdyń qazir qaıda ekeni belgili boldy

Bala quqyqtary jónindegi ýákil Dınara Zákıeva Almaty oblysynda zorlyqqa tap bolǵan egiz qyzdyń qazir qaıda ekenin aıtty, dep habarlaıdy Kazinform agenttigi.

«Qazir tergeý júrip jatyr. Soǵan baılanysty mán-jaıdy tolyq aıtýǵa bolmaıtynyn bilesizder. Men ol jerge ózim bardym. Egiz qyzdy da, otbasynyń basqa balalaryn da kórdim», - dedi ol.

Ýákil bul is boıynsha qyzdardyń ájesi ustalǵanyn eske saldy.

«Oqıǵanyń sebebi anyqtalyp, kúdiktiler ustaldy. Qyzdar qazir bala quqyǵyn qorǵaıtyn ortalyqta. ıAǵnı, Balalardy qorǵaý ortalyǵynda», - dedi Dınara Zákıeva.

Eske salsaq, qazan aıynyń basynda Almaty oblysynda bir úıdiń eki kishkentaı qyzyn zorlady degen kúdikpen 40 jastaǵy er adam qamaýǵa alynǵany habarlanǵan edi.