Almaty oblysynda zorlyq-zombylyq belgileri bar er adamnyń máıiti tabyldy

Almaty oblysy, Іle aýdanyna qarasty Ótegen batyr aýylynda denesinde zorlyq-zombylyq belgileri bar er adamnyń denesi tabyldy, dep habarlaıdy Kazinform.

Almaty oblystyq Polıtsııa departamentiniń basshysy Baýyrjan Álenov atap ótkendeı, 26 jeltoqsan kúni Іle aýdandyq polıtsııa basqarmasynyń kezekshi bólimine Ótegen batyr aýylyndaǵy kóshelerdiń birinen aýyr dene jaraqattarymen 40 jastaǵy jergilikti turǵynnyń máıiti tabylǵany týraly aqparat túsken.

«Іle aýdandyq polıtsııa basqarmasynyń qyzmetkerleri júrgizgen jedel-izdestirý is-sharalary barysynda 1993 jáne 2007 jyly týǵan eki kúdikti anyqtalyp, ustaldy. Olar óz qylmysyn tolyq moıyndap otyr. Qazirgi ýaqytta sot-medıtsınalyq saraptama taǵaıyndalyp, barlyq qajetti tergeý áreketteri júrgizilýde»,- deıdi departament basshysy.

Atalǵan derek QR Qylmystyq kodeksiniń 99-babynyń 1-bóligi («Adam óltirý») boıynsha tirkeldi.

Kúdiktiler zańnamada belgilengen tártippen qamaýǵa alyndy.