Almaty oblysynda zırattyń qulyptastaryn qıratqan kúdikti ustaldy
ALMATY. KAZINFORM - Almaty oblysynyń polıtsııasy bul oqıǵaǵa qatysty qylmystyq is qozǵady.
Jýrnalıst Dıas Nuraqyn áleýmettik jelide Kólsaı túbindegi Saty aýylynda er adam molanyń qulyptastaryn qıratqanyn jazdy.
— Osy aýyldyń bir jigiti «dinimizge qaıshy» degen jeleýmen zıratty talqandap tastapty. Ólgen adamdardyń qulyptastaryn qıratyp, jan-jaqqa laqtyryp ketken. Jaqyndarynyń qabiri qorlanǵanyn kórgen aıadaı ǵana aýyl turǵyndary ashýly, - dep jazdy ol.
Almaty oblysynyń Polıtsııa departamenti vandalızm faktisi boıynsha qylmystyq is tirkelgenin habarlady.
— Kúdikti ustalyp, polıtsııa bólimine jetkizildi. Qazirgi ýaqytta bolǵan oqıǵanyń barlyq mán-jaıyn anyqtaýǵa baǵyttalǵan tergeý amaldary júrgizilip jatyr. Áleýmettik jelilerde kúdiktiniń salafızmniń dinı aǵymyna qatysy týraly taratylǵan aqparat aldyn ala tekserý barysynda rastalmady. Tergeý áreketteri aıaqtalǵanǵa deıin merziminen buryn qorytyndy jasaýdan jáne tekserilmegen málimetterdi taratýdan bas tartýdy suraımyz, - dep habarlady polıtsııa departamentinen.
Eske salaıyq, buǵan deıin Almaty zırattaryna 400 beınebaqylaý kamerasy ornatylatynyn jazǵanbyz.