Almaty oblysynda júrgizýshi balalardy qaǵyp, oqıǵa ornynan qashyp ketken
QONAEV. KAZINFORM – Almaty oblysynda eki balany qaǵyp ketken Cobalt júrgizýshisi ustaldy.
Oqıǵa Abaı aýylynda bolǵan.
Balalardyń biriniń ákesi eki jetkinshek dúken mańynda balmuzdaq jep otyrǵanyn aıtady. Kólik balalardy qaǵyp, toqtamastan oqıǵa ornynan qashyp ketken.
Zardap shekken balalar aýrýhanaǵa jetkizilip, ota jasaldy.
Almaty oblysyq polıtsııa departamentiniń málimetinshe, balalardy qaǵyp ketý deregi boıynsha sotqa deıingi tergeý bastaldy.
- Jol-kólik oqıǵasynan keıin oqıǵa ornynan qashyp ketken 65 jastaǵy júrgizýshi ustaldy. Ol ýaqytsha ustaý ızolıatoryna qamaldy. Oqıǵanyń barlyq mán-jaıyn obektıvti anyqtaýǵa baǵyttalǵan qajetti tergeý áreketteri júrgizilip jatyr, – delingen polıtsııa habarlamasynda.
Eske salsaq, Aqmola oblysynda «Gazel» kóligi tórt jastaǵy qyzdy qaǵyp ketken edi.
