Almaty oblysynda júk kólikteri endi aınalma jolmen júrmeıdi
ASTANA. KAZINFORM — Almaty oblysynda Kókterek pen Aqsaı aýyldarynyń arasyndaǵy jol ýchaskesinde júk kólikteriniń qozǵalysy qaıta ashyldy. Osylaısha, júrgizýshiler endi aınalma jolmen júrýge májbúr bolmaıdy.
«QazAvtoJol» UK baspasóz qyzmetiniń málimetinshe, 2026 jylǵy 3 qyrkúıekte ortasha jóndeý jumystaryna baılanysty KZ05-10 «Almaty — Tóńkeris — Baıserke — Mejdýrechenskoe — Astana — Almaty» avtomobıl jolynyń 20-shaqyrymynan (Kókterek aýyly) 51-shaqyrymyna (Aqsaı aýyly) deıingi aralyqta júk kólikteriniń qozǵalysyna ýaqytsha shekteý engizilgen.
Jóndeý jumystary kezinde kólik quraldary úshin aınalma jol uıymdastyryldy. Júrgizýshiler «Almaty — Qonaev», «Qonaev — Qurty», «Almaty — Shelek — Qorǵas» respýblıkalyq mańyzy bar jáne «Baıserke — Álı» jergilikti mańyzy bar avtomobıl joldary arqyly qatynaǵan.
Qazir atalǵan ýchaskede júk kólikteriniń qozǵalysy qaıta ashylyp, ýaqytsha shekteý alyndy.
Buǵan deıin Soltústik Qazaqstan oblysynda qozǵalysqa shekteý engizilgeni habarlandy.
