Almaty oblysynda júk kóligi jeke turǵyn úıge soǵyldy

QONAEV. KAZINFORM – Almaty oblysy Qarasaı aýdanynyń Qaınar aýylynda júk kóligi jeke turǵyn úıge soǵyldy.

Soqqynyń kúshi qatty bolǵany sonshalyq – kóliktiń kabınasy myjylyp, júrgizýshiniń aıaǵy janshylǵan temirdiń arasynda qysylyp qalǵan. Oqıǵa ornyna QR TJM «Barys» respýblıkalyq jedel-qutqarý jasaǵynyń mamandary dereý jetti.

Vedomstvonyń málimetinshe, qutqarýshylar júrgizýshini bosatý úshin Holmatro kásibı gıdravlıkalyq quralyn qoldanyldy. Mamandardyń aıtýynsha, operatsııa asa muqııat júrgizilgen, óıtkeni zardap shekken er adam qosymsha jaraqat alýy múmkin edi.

1986 jyly týǵan azamat kólikten shyǵarylyp, aýrýhanaǵa jetkizý úshin jedel járdem brıgadasyna tapsyryldy.

Tótenshe jaǵdaılar mınıstrligi júrgizýshilerdi jyldamdyq rejımin qatań saqtaýǵa jáne joldarda, ásirese eldi mekender ishinde barynsha muqııat bolýǵa úndedi.

Eske salaıyq, buǵan deıin Petropavlda eki kólik jeke turǵyn úıge soqtyǵysqanyn habarlaǵanbyz.