Almaty oblysynda jol polıtsııasyn kólik qaǵyp, mert qyldy

QONAEV. KAZINFORM — Almaty-Óskemen tas jolynda patrýldik polıtsııa ınspektoryn kólik qaǵyp, mert qyldy.

Almaty oblystyq Polıtsııa departamentiniń málámetinshe, qaıǵyly jaǵdaı 20 jeltoqsan kúni Almaty-Óskemen avtojolynyń 42 shaqyrymynda boldy.

— Toyota Camry 35 júrgizýshisi Almaty-Óskemen avtojolynyń 42 shaqyrymynda kele jatyp, kóktaıǵaq saldarynan rýldi basqara almaı, oblystyq patrýldik polıtsııa batalony qyzmet ınspektoryn qaǵyp ketip, ınertsııa boıynsha Hyundai Elantra qyzmettik avtokóligimen soqtyǵysqany anyqtaldy. Apat saldarynan polıtsııa qyzmetkeri oqıǵa ornynda kóz jumdy Oblystyq departament qyzmette qaza tapqan polıtseıdiń otbasyna kóńil aıtady,— dep habarlady vedmstvodan.

Óńir polıtsııasy júrgizýshilerge jol qozǵalysy erejelerin qatań saqtaýdy suraıdy.