Almaty oblysynda jol-kólik oqıǵasynan eki jaıaý júrginshi qaıtys boldy

QONAEV. KAZINFORM – Almaty-Qonaev tas jolynda eki kólik soqtyǵysyp, saldarynan 2 adam mert boldy.

Almaty oblysy Polıtsııa departamentiniń málimetinshe, 20 jastaǵy áıel júrgizýshi BMV markaly kólik quralyn basqara otyryp, jaıaý júrginshini basyp ketken jáne soqqy saldarynan Mersedes-Benze markaly avtokóligine soǵylǵan. Soqqy ınertsııasy nátıjesinde ekinshi kólik te ózge jaıaý júrginshini soǵyp ketken.

– Jol-kólik oqıǵasy saldarynan eki jaıaý júrginshi de sol jerde qaıtys boldy. BMV kóliginiń júrgizýshisi dene jaraqatyn alyp, medıtsınalyq kómek kórsetý úshin aýrýhanaǵa jetkizildi. Oqıǵa faktisi boıynsha qylmystyq is qozǵaldy. Barlyq qajetti saraptamalyq tekserýler taǵaıyndaldy jáne oqıǵanyń barlyq mán-jaılaryn anyqtaý úshin tergeý júrgizilip jatyr, – dep habarlaıdy oblystyq PD baspasóz qyzmeti.

Eske salaıyq, buǵan deıin Almatynyń qoǵamdyq kólikteri sońǵy 4 jylda myńǵa jýyq márte jol apatyna ushyraǵanyn jazǵan edik.