Almaty oblysynda jol erejesin buzǵan kortejdiń tórtinshi júrgizýshisi qamaýǵa alyndy
QONAEV. KAZINFORM — Almaty oblysynda jol erejesin óreskel buzyp, kortej uıymdastyrǵan tórtinshi júrgizýshi jaýapkershilikke tartyldy.
Qarasaı aýdandyq polıtsııa qyzmetkerleri 3 qazanda vıdeodaǵy barlyq qatysýshyny anyqtady. Kadrlarda Almaty — Astana avtojolynda birneshe kóliktiń jol qozǵalysy erejelerin óreskel buzyp júrgeni kórsetilgen.
— 3 qazan kúni saǵat 00:30 shamasynda olardyń Jibek Joly aýylyndaǵy meıramhanadan shyǵyp, Almaty — Astana avtojoly arqyly qozǵalǵany anyqtaldy, — delingen habarlamada.
Ákimshilik jaýapkershilikke Joldasbaı Erkebulan, Mahsetov Bekarys, Jumalıev Erjan jáne Turǵanbaı Ardaq tartyldy.
Júrgizýshilerge qatysty jol qozǵalysy erejelerin óreskel buzý jáne buzaqylyq faktileri boıynsha 13 ákimshilik hattama toltyryldy.
Sonymen qatar BMW kóliginiń lıýginen pırotehnıkalyq buıymdardy iske qosqan Bazarymbetov Meıirbektiń jeke basy anyqtaldy. Oǵan qatysty ákimshilik hattama toltyryldy.
Osylaısha, oqıǵaǵa qatysýshylarǵa qatysty barlyǵy 14 ákimshilik hattama toltyryldy.
Materıaldardy qaraý nátıjesinde sot olarǵa 10 táýlikke ákimshilik qamaq túrindegi jaza taǵaıyndady.
Polıtsııa joldaǵy demonstratsııalyq jáne qaýipti áreketter qozǵalysqa qatysýshylardyń ómiri men densaýlyǵyna qaýip tóndiretinin eskertedi.
Eske salaıyq, buǵan deıin Almaty oblysynda kortej uıymdastyryp, jol erejesin buzǵandar 10 táýlikke qamalǵan edi.
Sondaı-aq Almaty oblysynda kortej qatysýshylaryna 600 dollar usynǵan jigit qamaldy.
