Almaty oblysynda jol erejesin buzǵan kortejdiń sońǵy júrgizýshisi qamaýǵa alyndy
QONAEV. KAZINFORM - Almaty oblysynda jol erejesin óreskel buzyp, kortej uıymdastyrǵan besinshi júrgizýshi jaýapqa tartyldy.
Qarasaı aýdandyq polıtsııa qyzmetkerleri 3 qazanda vıdeodaǵy barlyq qatysýshyny anyqtady. Kadrlarda Almaty — Astana avtojolynda birneshe kóliktiń jol qozǵalysy erejelerin óreskel buzyp júrgeni kórsetilgen.
Changan markaly avtokóliginiń júrgizýshisi Dııas Toqtasynovqa jol qozǵalysy erejelerin birqatar buzǵany, sondaı-aq usaq buzaqylyq jasaǵany úshin ákimshilik hattamalar toltyryldy.
Іsti qaraý nátıjesinde sot oǵan 10 táýlik merzimge ákimshilik qamaqqa alý jazasyn taǵaıyndady.
Eske salaıyq, buǵan deıin Almaty oblysynda kortej uıymdastyryp, jol erejesin buzǵandar 10 táýlikke qamalǵan edi.
Sondaı-aq Almaty oblysynda kortej qatysýshylaryna 600 dollar usynǵan jigit ustalǵanyn jazdyq.
Keıin Almaty oblysynda jol erejesin buzǵan kortejdiń tórtinshi júrgizýshisi qamaýǵa alynǵany habarlandy.
