Almaty oblysynda jol apatynan úsh adam qaza tapty

QONAEV.KAZINFORM–Almaty oblysynda jol apatynan úsh adam qaza taýyp,eki adam jaraqat aldy.

Búgin, 23 naýryz túski saǵat 14:45 shamasynda Almaty oblysy aýmaǵyndaǵy «Ekaterınbýrg-Almaty» tas jolynyń 2460 shaqyrymynda jol-kólik apaty boldy.

«QazAvtoJol» UK» málimetinshe, «Daewoo» kóliginiń júrgizýshisi rýlge ıe bola almaı, qarsy jolaqqa shyǵyp ketip, «DAF» júk kóligimen soqtyǵysqan.

Saldarynan 3 adam qaza taýyp, 2 adam jaraqat aldy. Apat ornynda tıisti jol belgileri ornatyldy.

«QazAvtoJol» kompanııasy barlyq avtokólik júrgizýshilerinen asa muqııat bolýdy jáne jol erejelerin qatań ustanýdy suraıdy.