Almaty oblysynda jol apatynan eki jaıaý júrginshi mert boldy
QONAEV. KAZINFORM — Almaty oblysynda adam ólimimen aıaqtalǵan jol apaty boldy.
Qaıǵyly oqıǵanyń beınejazbasy áleýmettik jelide tarady.
Almaty oblysy polıtsııa departamentiniń málimetinshe, 6 qyrkúıekte Almaty — Óskemen avtojolynyń 18-shaqyrymynda «Chevrolet Cobalt» avtokóliginiń 37 jastaǵy júrgizýshisi joldyń belgilenbegen jerinen ótip bara jatqan egde jastaǵy eki adamdy qaǵyp ketken. Alǵan jaraqattarynyń saldarynan eki jaıaý júrginshi de oqıǵa ornynda kóz jumdy.
— Jaıaý júrginshilerdi qaǵyp ketý deregi boıynsha qylmystyq is qozǵaldy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý amaldary júrgizilip jatyr. Tergeý barysy Almaty oblysy Polıtsııa departamenti basshylyǵynyń baqylaýynda, — dep habarlady departamentten.
Eske salaıyq, buǵan deıin Almaty oblysyndaǵy turǵyn úı aýlasynda avtokólik eki balany qaǵyp ketti.
