Almaty oblysynda jol apatynan eki jigit mert boldy, taǵy ekeýi aýrýhanada
Almaty oblysy Jambyl aýdanynda bolǵan jol apatynan eki adam qaza taýyp, taǵy ekeýi aýrýhanaǵa jetkizildi, dep habarlaıdy Kazinform.
Áleýmettik jelide jol apatyna ushyraǵan kólik «Saıahatshy Dıas» degen atpen tanymal bloger ári tıktokerge tıesili degen aqparat paıda boldy.
Oblystyq polıtsııa departamentiniń habarlaýynsha, 12 qarasha kúni Uzynaǵash-Kúrti tasjolynda Mercedes kóliginiń 20 jastaǵy júrgizýshisi qarsy jolaqqa shyǵyp ketip, Toyota máshınesimen betpe-bet soqtyǵysqan.
Saldarynan Mercedes kóliginiń 2002 jáne 2003 jyly týǵan eki jolaýshysy oqıǵa ornynda kóz jumdy.
Júrgizýshi men 15 jastaǵy jolaýshy túrli dene jaraqatymen Jambyl aýdandyq aýrýhanasyna jatqyzyldy.
«Atalǵan derek aýdandyq polıtsııada QR Qylmystyq kodeksiniń 345-baby boıynsha tirkelip, jol-kólik oqıǵasynyń barlyq mán-jaıyn obektıvti tekserilip jatyr. Búkil qajet tergeý júrip jatyr», - dep habarlady polıtsııadan.
