Almaty oblysynda jol apatynan eki adam mert boldy

QONAEV. KAZINFORM — Almaty oblysynda jol-kólik oqıǵasy saldarynan eki adam kóz jumyp, eki adam jaraqat aldy.

Oblystyq polıtsııa departamentiniń málimetinshe, Almaty — Óskemen avtojolynyń 94-shaqyrymynda jol apaty bolǵan. Changan markaly avtokóliktiń júrgizýshisi rólge ıe bola almaı, júk kóliginiń artyna soǵylǵan. Odan keıin kólik jol qorshaýyna túıisken. Al Toyota Estima júrgizýshisi Changan avtokóligine soqtyǵysqan. Jol apatynyń vıdeosy áleýmettik jelilerde jarııalandy.

Sondaı-aq soqqy saldarynan Changan avtokóliginiń qozǵaltqyshy joldyń qarsy baǵytyna ushyp, Ford Focus avtokóligine tıgen.

— Jol-kólik oqıǵasy saldarynan Changan kóliginiń jolaýshylary oqıǵa ornynda kóz jumdy. Atalǵan kóliktiń júrgizýshisi men Toyota Estima júrgizýshisi ártúrli jaraqattarmen medıtsınalyq mekemege jetkizildi, — dep habarlady departamentten.

Polıtsııa qyzmetkerleri qazir jol-kólik oqıǵasynyń mán-jaıyn anyqtaýǵa baǵyttalǵan tergeý júrgizip jatyr.

Eske salaıyq, jaqynda Batys Qazaqstanda jol apatynan 8 adam kóz jumdy.