Almaty-Kókpek-Kóktal avtojolynda eki adam qaza tapty
QONAEV. KAZINFORM – Almaty-Kókpek-Kóktal tas jolynda jol-kólik oqıǵasy boldy.
Almaty oblysy Polıtsııa departamentiniń málimetinshe, jol apaty 29 mamyr kúni Almaty-Kókpek-Kóktal avtojolynyń 32 shaqyrymynda bolǵan.
– Aldyn ala málimet boıynsha, Cadillac Escalade kóliginiń 26 jastaǵy júrgizýshisi negizgi jolda kele jatqan KIA K5 kóligine jol bermegendikten soqtyǵysqan. Saldarynan KIA K5 júrgizýshisi men jolaýshysy medıtsınalyq mekemede qaıtys boldy. Atalǵan kóliktiń taǵy bir jolaýshysy, sonymen qatar Cadillac Escalade-nyń júrgizýshisi men tórt jolaýshysy aýrýhanaǵa jatqyzyldy, – dep habarlady vedomstvodan.
Adam ólimine ákelgen jol apaty boıynsha qylmystyq is qozǵaldy. Sot-medıtsınalyq jáne qajetti saraptamalar taǵaıyndaldy.
Osyǵan deıin Almaty - Bishkek avtojolynda kólik apatynan 4 adam qaıtys bolǵan edi.
Eske salaıyq, buǵan deıin Almaty oblysynda jasóspirim basqarǵan kólik aǵashqa soqtyǵysyp, 3 oqýshy mert bolǵanyn jazǵanbyz.