Almaty oblysynda jol apatynan bir jolaýshy qaıtys boldy

QONAEV.KAZINFORM - Jambyl aýdanyndaǵy «Almaty-Bishkek» avtojolynyń 76 shaqyrymynda jol-kólik oqıǵasy boldy.

Polıtsııanyń aldyn ala boljamy boıynsha dóńgelektiń jarylýyna baılanysty Nissan Elgrand kóliginiń júrgizýshisi rýlge ıe bola almaı, Toyota Land Cruiser 300 avtokóligimen soqtyǵysqan. Keıin ınertsııa boıynsha Nissan Elgrand aǵashqa soǵyldy. 

- Apat saldarynan Nissan Elgrand jolaýshysy salonnan qaramaqarsy jolaqqa ushyp ketip, Lexus GS 300 kóliginiń astyna tústi. Jolaýshy oqıǵa ornynda kóz jumdy. Túrli jaraqattary bar taǵy tórt jolaýshy aýdandyq aýrýhanaǵa jatqyzyldy. JKO faktisi boıynsha qajetti saraptamalardy taǵaıyndaýmen qylmystyq is qozǵaldy, - dep habarlady oblystyq PD baspasóz qyzmeti.

Eske salaıyq, buǵan deıin SQO-da jol-kólik apatynda bir jasqa tolmaǵan náreste mert bolǵanyn jazǵanbyz.