Almaty oblysynda jol apatynan bir kólikte otyrǵan 3 adam mert boldy
QONAEV. KAZINFORM – Almaty oblysy Jambyl aýdanynda úsh adamnyń ómirin qıǵan jol-kólik oqıǵasy boldy.
Oblystyq Polıtsııa departamentiniń málimetinshe, 4 aqpan kúni Almaty-Bishkek tas jolynyń 102-shaqyrymynda jol-kólik oqıǵasy boldy. Aldyn ala málimetter boıynsha, Chevrolet Cobalt júrgizýshisi joldyń qarsy baǵytyna shyǵyp, Hyundai Elantra kóligimen soqtyǵysqan. Apat saldarynan eki júrgizýshi men Hyundai Elantra jolaýshysy oqıǵa ornynda qaza tapty. Chevrolet Cobalt kóliginiń jolaýshysy túrli jaraqattarmen aýrýhanaǵa jetkizildi.
- Atalǵan fakti boıynsha qylmystyq is tirkelip, tergeý júrgizilip jatyr. Polıtsııa júrgizýshilerdi jol qozǵalysy erejelerin qatań saqtaýǵa, jyldamdyq rejımin buzbaýǵa jáne jolda asa muqııat bolýǵa shaqyrady, - dep habarlady polıtsııadan.
Eske salaıyq, buǵan deıin Jambyl oblysynda joldyń jabylǵan bóliginde birneshe kólik turyp qalǵanyn jazǵanbyz.