Almaty oblysynda jol apatynan bir adam qaza taýyp, taǵy beseýi zardap shekti

QONAEV. KAZINFORM – Almaty oblystyq polıtsııa departamenti Almaty – Kókpek – Kóktal avtojolynyń 38-shaqyrymynda bolǵan jol apatyna qatysty qylmystyq is qozǵady.

Aldyn ala málimet boıynsha, Mercedes-Benz avtokóliginiń 32 jastaǵy júrgizýshisi rólge ıe bola almaı, joldyń qarsy baǵyttaǵy jolaǵyna shyǵyp ketip, Hyundai avtokóligimen soqtyǵysqan.

– Jol apaty saldarynan Hyundai kóliginiń jolaýshysy alǵan jaraqattarynan oqıǵa ornynda kóz jumdy. Eki avtokóliktiń júrgizýshileri jáne taǵy úsh jolaýshy túrli jaraqat alyp, medıtsınalyq mekemege jetkizildi, - delingen habarlamada.

Polıtsııa qazirgi ýaqytta oqıǵanyń mán-jaıyn jan-jaqty, tolyq ári obektıvti anyqtaýǵa baǵyttalǵan sotqa deıingi tergep-tekserý júrgizilip jatqanyn habarlady.

Eske salaıyq, buǵan deıin Shahtınsk mańynda 50 jolaýshysy bar avtobýs jol apatyna ushyraǵanyn jazǵanbyz.