Almaty oblysynda jantúrshigerlik jol apatynan 8 adam mert boldy

QONAEV. KAZINFORM – Almaty oblysynda 8 adamnyń ómirin qıǵan jol apaty boldy.

Oblystyq polıtsııa departamentiniń málimetinshe, Almaty–Bishkek avtojolynyń 107-shi shaqyrymynda bolǵan jol-kólik oqıǵasy boıynsha sotqa deıingi tergeý bastaldy.

- Aldyn ala málimetterge sáıkes, Lexus markaly avtokólik joldyń qarsy betine shyǵyp ketip, Toyota Alphard kóligimen soqtyǵysqan. Apat saldarynan segiz adam oqıǵa ornynda alǵan jaraqattarynan qaza bolyp, eki adam aýrýhanaǵa jetkizildi. Qazirgi ýaqytta oqıǵanyń mán-jaıyn anyqtaý úshin qajetti tergeý sharalary júrgizilip jatyr, - dep habarlady departamentten.

Polıtsııa júrgizýshilerge jol qozǵalysy erejelerin qatań saqtap, jolda asa muqııat bolýǵa shaqyrdy.

Eske salaıyq, buǵan deıin Aqmola oblysynda jol apatynan 16 jastaǵy qyz kóz jumdy.