Almaty oblysynda jol apatynan 48 jastaǵy áıel qaıtys boldy

QONAEV. KAZINFORM - Qonaev qalasynyń mańynda bolǵan jol-kólik oqıǵasynyń saldarynan bir adam mert bolyp, úsheýi jaraqat aldy. 

«Almaty-Óskemen» avtojolynyń 85 shaqyrymynda júrip kele jatqan Suzuki Grand Vitara avtokóliginiń júrgizýshisi rýlge ıe bola alamaı, aýdarylǵan. 

Jol-kólik oqıǵasy saldarynan jolaýshy retinde kele jatqan 48 jastaǵy áıel sol jerde qaıtys boldy. Túrli jaraqaty bar úsh jolaýshy aýrýhanaǵa jetkizildi.

Jol apaty faktisi boıynsha polıtsııa qylmystyq is qozǵady. 

Eske salaıyq, buǵan deıin Almaty oblysynda polıtsııa qyzmetkerin kóligimen súırep ótken júrgizýshi ustalǵanyn jazǵanbyz.

Birneshe kún buryn Atyraýda polıtseıden eskertý alǵan júrgizýshi 3 jolaýshymen birge jol apatynan kóz jumdy.