Almaty oblysynda jol apatynan 4 adam mert boldy

QONAEV.KAZINFORM — «Almaty-Astana» avtojolynyń 56 shaqyrymynda 4 adamnyń ómirin qıǵan jol-kólik oqıǵasy boldy.

Almaty oblysy Polıtsııa departamentiniń málimetinshe, BMW-728 kóliginiń júrgizýshisi qarama-qarsy qozǵalys jolaǵyna shyǵyp, Ford Mondeo avtokóligimen soqtyǵysqan. Soqqy saldarynan Ford kóligi órtenip ketken.

— Oqıǵa ornynda Ford kóliginiń júrgizýshisi men eki jolaýshysy, sondaı-aq BMW-niń bir jolaýshysy qaza tapty. BMW júrgizýshisi túrli jaraqattarmen aýrýhanaǵa jetkizildi. Qazirgi ýaqytta sotqa deıingi tergeý amaldary júrgizilip jatyr. Onyń nátıjeleri boıynsha protsessýaldyq sheshim qabyldanady, — dep habarlady polıtsııadan.

Eske salaıyq, buǵan deıin Astanada órt sóndirý kóligi jeńil kólikpen soqtyǵysyp, bir adam qaza bolǵanyn jazǵanbyz.